Ministri i Bujqësisë, Faton Peci, sot ka nënshkruar udhëzimin administrativ për përcaktimin e rregullave të identifikimit dhe regjistrimit të kafshëve.
Ministri ka thënë se nga ky udhëzim mundësohet gjurmueshmëria, riregjistrimi i tërësishëm i fondit blegtoral, si dhe menaxhohet në mënyrë transparente çështja e matrikulave, ndërsa nga ana tjetër eleminohen edhe abuzimet me numrat e matrikulave te kafshët.
Ai ka bërë të ditur se ky udhëzim pas publikimit 7 ditë në gazetën zyrtare, do të hyjë në fuqi.
“Andaj, fermerë e blegtorë, nuk do të keni asnjë pengesë rreth matrikulimit për të aplikuar në Programin për Pagesa Direkte / Subvencione 2024!”, ka shkruar ministri i Bujqësisë.
