Ministri i Punëve të Jashtme të Maqedonisë së Veriut, Bujar Osmani menjëherë pas një takimi me presidenten e Kosovës, Vjosa Osmani, ka shkuar në ndërtesën e Qeverisë dhe ka nisur takimin me kryeministrin Albin Kurti.
Kryediplomati nga Maqedonia fillimisht është takuar me ministren Donika Gërvalla, ku edhe mbajtën një konferencë për media.
Ai në këtë rast bëri thirrje që të ndalen tensionet ne veri të Kosovës, ndërsa theksoi se mbështet fuqishëm dialogun Kosovë – Serbi dhe gjetjen e një zgjidhje nga ky proces.
