Ministri i Financave, Hekuran Murati gjatë ditës së sotme [e martë] ka pritur në takim deputetët e Komisionit për Çështje të Punës dhe Sociale të parlamentit gjerman.
Sipas njoftimit të Ministrisë së Financave thuhet se tema e diskutimit ka qenë fusha e punësimit.
“Ministri i Financave, Punës dhe Transfereve Hekurani Murati priti sot në takim deputetët e Komisionit për Çështje të Punës dhe Sociale të parlamentit gjerman. Takimi u fokusua në situatën ekonomike të vendit, me theks të veçantë në fushën e punësimit. Ministri Murati e njoftoi Komisionin lidhur me kushtet e tregut të punës në Kosovë, duke përmendur rritjen e pjesëmarrjes së grave dhe të rinjve si një ndër të arriturat kryesore në këtë fushë”, thuhet në njoftim.
Në njoftim u tha se deputetët gjerman janë njoftuar edhe për proceset e aspektit administrativ, duke theksuar riorganizimin e Agjensisë së Punësimit dhe ngritjen e kapaciteteve të Inspektoriatit të Punës.
“Deputetët gjermanë u njoftuan edhe lidhur me proceset që po ndërmerren nga aspekti administrativ, përfshirë këtu riorganizimin e Agjencisë së Punësimit, ngritjen e kapaciteteve të Inspektoriatit të Punës e kështu me radhë. Së fundmi, Ministri dhe deputetët gjermanë diskutuan lidhur me mundësitë e bashkëpunimit, si dhe shkëmbimin e praktikave më të mira mes të dyja vendeve”, thuhet në njoftim.
