Ministri i Financave, Hekuran Murati ka reaguar pasi opozita ishte “ankuar” pasi Kosova nuk është bërë pjesë e Programit Evropa Digjitale e BE-së.
Murati ka thënë se është e njëjta opozitë që me muaj të tërë po mban të bllokuara marrëveshjet ndërkombëtare në Kuvend, pa asnjë arsye të vlefshme, duke shtuar se janë gjithsej afro 150 milionë euro të bllokuara nga opozita.
“- 25 milionë euro marrëveshja me KfW për investime në rrjetin e transmisionit të energjisë elektrike; – 84 milionë euro projekti i Ngrohjes Qendrore Solare, i financuar me grante nga Gjermania, grante nga BE, dhe kredi nga BERZH. – 40 milionë USD marrëveshja me Fondin Zhvillimor të OPEC, mjete që planifikojmë t’i investojmë në infrastrukturë sportive, për t’u bërë gati për Lojërat Mesdhetare”, ka shkruar ministri i Financave, Hekuran Murati.
