Ministri i Financave, Hekuran Murati ka deklaruar se projekti për Termokosin që parasheh rritjen e kapacitetit të ngrohjes qëndrore përmes energjisë së ripërtërishme, si dhe zgjerimin e rrjetit në shumë lagje të Prishtinës, ekziston, por ajo po mbahet e bllokuar sepse nuk po ratifikohet marrëveshja ndërkombëtare si rezultat i bllokadës nga opozita në Kuvend.
Murati thotë se nëse është dikush që po bllokon projektet madhore, janë partnerët e koalicionit qeverisës në Prishtinë.
Ai tha se kreu i LDK-së, Lumir Abdixhiku në vend se të bëjë akuza të pabaza drejt Qeverisë, bën mirë të kërkojë nga partnerët e tij të koalicionit që të votojnë për ratifikimin e marrëveshjes që ia siguron 80 milionë euro Termokosit dhe qytetarëve të Prishtinës.
