Ministri i Financave, Punës dhe Transfereve, Hekuran Murati, ka bërë të ditur se aktualisht në paltformën ‘Superpuna’ janë mbi 1500 pozita të lira pune për të rinjtë 18-25 vjeç.
Ai ka thënë se për vetëm tri javë në këtë platformë kanë aplikuar me mijëra punëkërkues dhe punëdhënës.
“Për vetëm 3 javë, statistikat e Superpuna duken kështu: mbi 3 mijë punëkërkues të verifikuar, mbi 2 mijë punëdhënës që ofrojnë pun dhe mbi 1 mijë marrëdhënie pune/punësime”, ka shkruar ai.
Ministri Murati tha se janë edhe mbi 1,500 pozita të lira pune për të rinjtë 18-25 vjeç, të cilët mund të aplikojnë në platformë “Superpuna”.
Më 6 shkurt Qeveria e Kosovës e ka lansuar platforma për punësimin e të rinjve në Kosovë e quajtur “Superpuna”.
Sipas ministrit Murati, pilotimi i platformës do të jetë një mbështetje prej gjashtë muajsh për secilin të ri me pagë minimale prej 264 euro që sigurohet nga Qeveria e Kosovës.
Përveç kësaj shume prej 264 euro, të punësuarit mund të marrin e pagesën nga punëdhënësi.
