Ministri i Jashtëm i Maqedonisë së Veriut, Bujar Osmani, është takuar të martën në Bruksel me emisarin e BE-së për dialogun Kosovë – Serbi, Miroslav Lajçak.
Osmani në një postim në platformën “X” ka thënë se ka biseduar me Lajçakun për çështjen e dialogut ndër të tjera. Po ashtu Osmani ka thënë se përshpejtimi i integrimit të Ballkanit Perëndimor në Bashkimin Evropian është kyç për gjithë rajonin dhe po ashtu për sigurinë e stabilitetin e Evropës.
“Me Miroslav Lajçakun në Bruksel për zhvillimet e fundit në rajon me theks në dialogun Kosovë – Serbi. Përshpejtimi i integrimit të Ballkanit Perëndimor në BE është kyç për gjithë rajonin dhe për sigurinë e stabilitetin e Evropës”, ka shkruar Osmani.
W/ @MiroslavLajcak in #Brussels, on the latest developments in the region with an emphasis on the Kosovo – Serbia dialogue. The accelerated #EU integration of #WB is crucial for the entire regional & European security and stability pic.twitter.com/aV7NgncldI
— Bujar Osmani (@Bujar_O) January 23, 2024
Ndërkohë Lajçak ka njoftuar se të martën është takuar në Bruksel edhe me emisarin norvegjez për Ballkanin Perëndimor, Haakon Blankenborg.
“Kemi pasur diskutim të thellë për dialogun për normalizim të marrëdhënieve si dhe për zhvillimet rajonale”, ka shkruar Lajçak në platformën “X”.
A pleasure to welcome the Norwegian Envoy for the Western Balkans @HaakonBlanken to Brussels today! Had an in-depth discussion about the Dialogue on normalisation of relations as well as regional developments. pic.twitter.com/LJwSi3XUO8
— Miroslav Lajčák (@MiroslavLajcak) January 23, 2024
