Ministri i Mjedisit, Planifikimit Hapësinor dhe Infrastrukturës, Liburn Aliu, është duke raportuar para deputetëve të Komisionit për Mjedis, Ushqim, Bujqësi, Planifikim dhe Zhvillim.
Aliu tha se meqenëse Kosova është pjesë e Mesdheut, në 10 apo 15 vitet e ardhshme mund të preket nga ndryshimet klimatike të cilat sipas tij do shkaktojnë probleme, sidomos me ujë të pijshëm.
Ministri Aliu tha se një nga problemet të cilat mund të lindë nga ndryshimet klimatike është ai i ujit të pijshëm.
“Në 10-15 vitet e ardhshme së paku të rritet për 50% e pastaj të dyfishohet. Kosova është pjesë e Mesdheut, Mesdheu është pjesa që ndikohet nga ndryshimet klimatike. Kosova është vendi më i ndishëm për ujin e pijes. Do të prekemi nga këto ndryshime klimatike, Kosova ka probleme me ujë”, tha ai.
Sipas tij Kosova mund të preket nga ndryshimet klimatike më shumë se vendet e rajonit.
Tutje Aliu foli edhe për projektin e digës së fshatit Firajë, i cili sipas tij do jetë resurs ujor që do t’i plotësojë këkresat e Ferizajit, Kacanikut e kështu më radhë.
“Ferizaj, Vitia , Kaçanik, Hani i Elezit kanë mungesë me ujë të pijes. Projekti për digën e Firajës do të jetë resurs ujor që do të plotësoj kërkesat e kësaj ane për furnizim me ujë të pijes. Do të shoqërohet edhe me impiantin e ujit të pijes”, tha ai.
