Kryetari i Partisë Demokratike të Kosovës (PDK), Memli Krasniqi, ka njoftuar se ka refuzuar një takim të mundshëm me Kryeministrin Albin Kurti, duke e cilësuar si të panevojshëm në këtë moment.
Ky veprim është një reagim ndaj situatës politike aktuale dhe përplasjeve të vazhdueshme mes dy liderëve të partive më të mëdha në vend.
Krasniqi ka theksuar se, për momentin, nuk ka ndonjë arsye që të jetë i gatshëm për të zhvilluar një takim me Kurtin, duke aluduar se gjendja e brendshme politike, vendimet e qeverisë dhe prioritetet e PDK-së kërkojnë një qasje tjetër.
“Prej ditës së parë kur ka filluar seanca konstituive më 15 prill, kërkesa jonë e vetme ka qenë që çdo veprim duhet me qenë në pajtim me Kushtetutën. Një votim i tillë, i ndarë, nuk është në pajtim me Kushtetutën. Ne nuk mundemi të bëhemi pjesë e lojërave politike, pavarësisht se Nenad Rashiq si person, si figurë politike, është jashtëzakonisht një figurë pozitive nga komuniteti serb, në rrethana të ndryshme do të ishte jashtëzakonisht i mirë. Albin Kurti një entuziazëm të tillë për me e zgjedh Rashiqin s’e ka pasur as për Albulena Haxhiun e as Dimal Bashën. Pse po insiston me e kriju edhe një lëndë në Gjykatën Kushtetuese, unë nuk po e kuptoj. A është qëllimi i tij me e vazhdu krizën, apo me e mbajt pozitën e kryeministrit në mënyrë uzurpatore”, tha tutje Krasniqi.
