Ministri i Mbrojtjes, Armend Mehaj ka ftuar të gjithë qytetarët e Kosovës që të kontribuojnë me të holla në Fondin e Sigurisë, si mënyrë për ta përforcuar edhe më shumë ushtrinë e vendit.
Sipas ministrit Mehaj, qytetarët të hollat e tyre mund të ia dhurojnë ushtrisë përmes llogarisë të hapur në BQK, si dhe jashtë vendit në llogarinë ndërkombëtare.
“Ushtria jonë përmes investimit në armatime dhe pajisje të tjera ushtarake po konsolidohet në vazhdimësi.
Që të jetë edhe më e fortë për të garantuar një Kosovë më të sigurt, të gjithë ju qytetarë të dashur mund të kontribuoni duke dhuruar në Fondin e Sigurisë në llogarinë aktive brenda apo jashtë vendit.
Për kontribute brenda vendit mund të pëdorni llogarinë e hapur në BQK (foto 1), ndërsa jashtë vendit llogarinë ndërkombëtare (foto 2).
Për mënyra alternative se si të kontribuoni, tashmë është edhe faqja e dedikuar për Fondin e Sigurisë në eKosova që ofron informata e detaje shtesë:
ekosova.rks-gov.net/Service/41
FORCA E SIGURISË SË KOSOVËS, KRENARIA JONË!”, ka shkruar Mehaj në një postim.
