Gjilani dhe Ballkani kanë ndarë pikët pas një barazimi 1-1 të hënën.
Skuadra vendase ka kaluar e para në avantazh në minutën e njëzet e nëntë, kur Aganspahic ka realizuar penalltinë.
Por, Ballkani nuk është dorëzuar dhe në minutën e gjashtëdhjetë e gjashtë Ismajlgeci i ka barazuar shifrat, duke vulosur rezultatin përfundimtar 1-1.
Kjo ka qenë ndeshja e fundit e xhiros së parë, pasi katër ndeshje të tjera janë zhvilluar të dielën. Pas përfundimit të xhiros së parë, tabela e Superligës kryesohet nga Prishtina e Re, ndërsa në vendin e fundit gjendet Malisheva.
