Qeveria e Kosovës sot do të mbajë mbledhjen e radhës dhe kryeministri Albin Kurti i ka ftuar ministrat e tij për takim nga ora 10:00.
Zyra e Kryeministrit ka njoftuar për mbledhjen e sotme dhe kë bërë të ditur edhe agjendën dhe pikat që do të shqyrtohen.
Në rend të ditës për shqyrtim janë 12 pika të ndryshme, duke mos përjashtuar edhe ndonjë që mund të futet gjatë mbajtjes së mbledhjes.
Si pikë e parë në mbledhjen e 142 të Qeverisë është shqyrtimi i propozim vendimit me të cilin Qeveria e Kosovës në pajtim me kërkesën e Kuvendit të Kosovës të bërë më 20 prill të këtij viti, jep mendimin lidhur me nismën legjislative “ Projektligji për Zgjedhjet e Përgjithshme në Republikën e Kosovës”.
