Gjatë ditës së sotme është mbledhur Partia Demokratike e Kosovës për të diskutuar lidhur me situatën në Kosovë.
Lidhur me këtë mbledhje nënkryetarja e Partisë Demokratike të Kosovës Vlora Çitaku, në një prononcim për medie para fillimit të mbledhjes së Këshillit Drejtues të kësaj partie, tha se Kosova po kalon ditët më të vështira që nga viti 1999.
Ajo tha se e kanë obligim kombëtar që të merren vendime të guximshme e të drejta, më qëllim që të ruhet trajektorja euroatlantike e Kosovës.
“Me ftesë të kryetarit të PDK sot mbahet mbledhja e Këshillit Drejtues të PDK-së. Këshilli Drejtues është organi më i lartë vendimmarrës. Pas përfundim të mbledhjes kryetari Krasniqi do të mbaj një konferencë për shtyp për vendimet që do të dalin nga ky këshill. E vërteta e dhimbshme është që Kosova po kalon ditët më të vështira që nga viti 1999. Asnjëherë më parë në këto tri dekada Kosova nuk ka qenë më e vetmuar, më e izoluar, më e përjashtuar’’ është shprehur Çitaku.
Më tutje Çitaku ka thënë se ata e kanë obligim kombëtar të marrim vendime të guximshme e të drejta.
“Ne nuk guxojmë që të sillemi me indiferencë karshi një situatë të tillë ne nuk guxojmë të stimulojmë normalitet në një gjendje kaq të rëndë. E kemi jo obligim partiak, e kemi obligim kombëtar që sot të marrim vendime të guximshme, të drejta, ndonëse mund të jenë jo popullore por më e rëndësishmja është qe të marrim vendime të cilat shpresojmë që do ta ruajnë trajektoren euroatlantike të Republikës së Kosovës”, është shprehur ajo.
Ne jemi të vetëdijesh që nuk i kemi numrat si opozitë për të votuar mocionin suksesshme të mos besimit, mirëpo ka mënyra edhe të tjetra, mund të bëhet shpërndarja e Kuvendit e të tjera, për detajet do t’i komunikoj kryetari pas mbledhjes, ka shtuar më tutje ajo.
