Oda Ekonomike e Kosovës (OEK) dhe Federata e Odave Ekonomike nga Arabia Saudite sot në Prishtinë organizojnë Forumin Ekonomik B2B më të madh në mes të dy vendeve.
Në një njoftim për media OEK bën të ditur se përveç numrit të madh të kompanive vendore të cilat do të përfaqësojnë sektorin privat në Kosovë, gjithashtu pjesë e këtij Forumi Ekonomik do të jenë afër 60 kompani nga Mbretëria e Arabisë Saudite nga sektorë të ndryshëm ekonomik, për të shqyrtuar mundësitë e investimit dhe partneriteteve biznesore në vendin tonë.
Ndryshe një delegacionin nga Mbretëria e Arabisë Saudite, i përbërë nga Federata e Odave Ekonomike të Arabisë Saudite dhe përfaqësues të bizneseve, kanë ardhë për vizitë në Kosovë, me ç’rast kanë zhvilluar takime me drejtues të institucioneve të ndryshme.
