Programi i Kombeve të Bashkuara për Zhvillim (UNDP) në Kosovë publikoi gjatë të martës edicionin e 24-të të Përmbledhjes Pulsi Publik, ndërkaq sipas këtij raporti ka rritje të kënaqshmërisë së të anketuarve me punën e të gjitha institucioneve qendrore të Kosovës.
Të dhënat tregojnë se kënaqshmëria me punën e kryeministrit kapi vlerën prej 51.5%, ngritje kjo për 6.6 pikë përqindje krahasuar me nëntorin e 2022.
Pas këtij publikimi ka pasur edhe reagimi nga deputetët e Kuvendit të Kosovës që vijnë nga radhët e Lëvizjes Vetëvendosje.
Deputeti i kësaj partie, Dimal Basha ka ironizuar në këtë rast me subjektet opozitare që po thërrasin për rrëzim të qeverisë, ndërsa iu ka kujtuar se në këtë 51.5 % nuk është përfshirë diaspora.
“???? ????: 51.28% të qytetarëve na besuan qeverisjen, ???? ????: 51.50% të tyre janë të kënaqur me punën e Kryeministrit! Sa për kujtesë, këtu nuk përfshihet diaspora!
Çka po dëgjoj diçka, “zgjeLje zgjeLje…” Leni foret, ushtroni se nuk mundemi me organizu zgjedhje e m’i harxhu 5 mil euro për me pa se kush pe zë vendin e dytë”, ka shkruar një rrjetin social Basha.
Edhe deputeti nga radhët e Vetëvendosjes, Artan Abrashi ka reaguar pas publikimit të pulsit.
“Anketa e Pulsit Publik 2023 shënon rritje rekorde të besimit të qytetarëve në Qeverinë e Kosovës prej 56% dhe besimin në Kryeministrin Kurti në 51.5%. Jo kot rekomandohet qëndrimi në shtëpi për kategoritë e ndjeshme në këtë stuhi vape|, ka shkruar ai në Facebook.
