Trajneri i Chelseas, Enzo Maresca, ka theksuar rëndësinë e përqendrimit maksimal përpara ndeshjes kundër Leicester City, ish-klubit të tij, të cilin e drejtoi drejt rikthimit në Premier League sezonin e kaluar.
Chelsea renditet aktualisht në vendin e tretë në tabelën e Premier League me nëntëmbëdhjetë pikë pas njëmbëdhjetë ndeshjeve, ndërsa Leicester ndodhet në vendin e pesëmbëdhjetë.
“Është një ndeshje jo e lehtë. Pavarësisht se ku janë ekipet në tabelë, gjithmonë është e ndërlikuar”, ka thënë Maresca në një konferencë për shtyp. “Ne do të sigurohemi që të jemi të fokusuar dhe të përgatitur. Do të përgatitemi për të fituar në mënyrën më të mirë”.
Maresca gjithashtu e ka pranuar se mund të sjellin probleme njohuritë e Leicester për stilin e lojës së Chelseas. “Ata na njohin më mirë sesa i njohim ne ata. Ne do të përpiqemi të përshtatim disa detaje të vogla për të parë nëse mund të bëjmë diçka ndryshe”.
