Deputeti i Lëvizjes Vetëvendosje, Mytaher Haskuka, ka përshëndetur përfundimin e seancave maratonë në Kuvendin e Kosovës, ku u miratuan një sërë ligjesh dhe marrëveshjesh ndërkombëtare, transmeton KosovaNews.
Përmes një postimi në rrjetet sociale, Haskuka bëri të ditur se pas dy seancave me 24 pika të rendit të ditës, janë votuar 4 marrëveshje ndërkombëtare që kapin vlerën e mbi 240 milionë eurove, si dhe 11 ligje thelbësore për zhvillimin e vendit.
“Shtet që funksionon dhe qytetar që mbrohet”
Sipas Haskukës, votimi i sotëm nuk ishte thjesht një procedurë legjislative, por një hap drejt vendosjes së standardeve të reja shtetërore.
Ai specifikoi fushat ku këto ligje do të kenë ndikim të drejtpërdrejtë:
- Siguria dhe Rendi: Ligje për një Kosovë më të sigurt.
- Mjedisi: Mbrojtja e natyrës dhe burimeve ujore.
- Mirëqenia: Shëndetësi funksionale dhe arsim cilësor.
- Ekonomia: Mbrojtja e qytetarit përballë monopoleve.
- Diaspora: Fuqizimi dhe përfshirja e bashkatdhetarëve në shtetndërtim.
“Ky është drejtimi: shtet që funksionon, treg që rregullohet dhe qytetar që mbrohet,” përfundoi Haskuka në reagimin e tij.
Postimi i Plotë:
