Ministri i Mbrojtjes Ejup Maqedonci, ka thënë se fabrika e municionit do të ndërtohet së shpejti përmes marrëveshjes së nënshkruar me kompaninë shtetërore turke MKE.
Maqedonci kështu është shprehur pas një takimi që ka zhvilluar me ambasadorin e Turqisë në Kosovë, Sabri Tunç Angili.
Në këtë takim siç ka shkruar ministri i Mbrojtjes është rikonfirmuar angazhimi për të punuar së bashku.
“Nga ambasadori Angili fillimisht pranova urimet më të sinqerta për rezultatin e zgjedhjeve, ndërsa në vazhdim të takimit trajtuam çështjen e bashkëpunimit bilateral në fushën e mbrojtjes dhe sigurisë, veçanërisht i rëndësishëm ky bashkëpunim e koordinim në situatën aktuale gjeopolitike. Të dyja palët rikonfirmuam angazhimin për të punuar së bashku në forcimin e sigurisë dhe stabilitetit, ndërsa në Kosovë pritet që së shpejti të ndërtohet dhe fabrika e municionit dhe dronëve “Made in Kosova” përmes marrëveshjes së nënshkruar me kompaninë shtetërore turke MKE”, ka shkruar Maqedonci.
