Manchester City mund të fillojë rindërtimin e skuadrës së tyre duke nënshkruar një lojtar befasues të Liverpoolit përpara sezonit 2025/26 në Ligën Premier.
Pasi ka fituar katër titujt e fundit të Ligës Premier, Manchester City tani po lufton për të qëndruar në garë për një vend në Ligën e Kampionëve sezonin e ardhshëm.
Me legjendën Kevin De Bruyne që tashmë po largohet nga klubi, mendohet se menaxheri i Cityt, Pep Guardiola do të kërkojë të rindërtojë skuadrën e tij këtë verë.
Megjithatë, një pozicion që atij mund t’i duhet të përforcojë është portieri.
Ederson dhe Stefan Ortega kanë konkurruar të dy për fanellën numër një këtë sezon, por të dy kanë qenë të prirur për gabime.
Ndërkohë, Liverpooli duket se do të fitojë Ligën Premier dhe mdryshe nga City, ata janë të pozicionuar mirë kur bëhet fjalë për portierët.
Braziliani Alisson mbështetet mirë nga reprezentuesi irlandez Caoimhin Kelleher, i cili bëri 26 paraqitje për Liverpool ndërsa Alisson u lëndua gjatë sezonit 2023/24.
Tani 26 vjeç, Kelleher është i etur për futboll të rregullt të ekipit të parë, dhe City thuhet se është një destinacion të mundshëm.
Ish-portieri i Liverpool, Cityit dhe Anglisë, David James i ka kërkuar Guardiolës që të sjellë Kelleher në Etihad.
“Caoimhin e ka atë qetësi për të. Ai është i pamposhtur. Ai ka fituar trofe, që është një gjë e rëndësishme. Ai e di se si të arrijë në ato pozicione për të fituar trofe. Ai është përfshirë në gjuajtjet e penalltive, të gjitha gjërat që dëshironi nga një portier i mirë”, ka thënë James.
Ndryshe, Kelleher shënoi penalltinë vendimtare të Liverpoolit teksa mposhti Chelsean me rezultat 11-10 me penallti në finalen e Kupës së Ligës më 2022.
Ai ka deklaruar për ambiciet e tij për të luajtur futboll të rregullt të ekipit të parë, gjë që duket e pamundur në Anfield, me portierin gjeorgjian Giorgi Mamardashvili që do t’i bashkohet klubit këtë verë.
