Drejtori sportiv i Mallorcas, Pablo Ortells, ka konfirmuar se Vedat Muriqi pritet të jetë 4-6 javë jashtë fushës.
Mediumet në Spanjë raportojnë se Muriqi ka probleme me muskulin e këmbës së majtë.
“Unë e kuptoj që mund të jetë jashtë fushës 4-6 javë. Në fillim ajo që na u tha nga Kosova është se mund të ishte problem me gjurin, por në fund është konfirmuar se ka problem muskulor”, ka thënë Ortells për “La Pizarra de Quintana”.
Muriqi 29-vjeçar është i rëndësishëm për Mallorcan. Sulmuesi për skuadrën spanjolle ka shënuar katër gola dhe ka kontribuar me dy asistime në 12 ndeshje në La Liga.
