Drejtoresha e Arsimit në Komunën e Prishtinës, njëherit kandidate për deputete nga radhët e Lidhjes Demokratike të Kosovës, Jehona Lushaku-Sadriu, ka dhënë lajmin e mirë për nxënësit e shkollës “Dardania” në kryeqytet.
Lushaku-Sadriu ka njoftuar se nxënësit e kësaj shkolle nuk do t’i kenë më tri ndërrime, por vetëm dy, kësisoj ka marrë fund edhe malltretimi i prindërve. Ajo ka njoftuar se janë renovuar klasët dhe shkolla tashmë ka marrë pamjen e shkollave evropiane.
“Nga tri në dy ndërrime, nxënësit e shkollës Dardania përfundimisht nuk kanë nevojë më të mbajnë mësimin në ndërrimin e tretë. Mbrëmjet e vona, malltretimet e prindërve kanë marrë fund, tani nxënësit kanë mundësi që të zhvillojnë procesin mësimor në klasa tërësisht të renovuara dhe në një shkollë moderne që i ngjason shkollave evropiane. Jam shumë e lumtur për këtë ndryshim.” – ka thënë Lushaku-Sadriu.
Në fund, drejtoresha e Arsimit ka uruar nxënësit për gjysmëvjetorin e dytë.
“Të gjithë fëmijëve të kryeqytetit ua uroi fillimin e mbarë të gjysëmvjetorit të dytë!” – ka thënë ajo. Jehona Lushaku-Sadriu garon në zgjedhje e 9 shkurti me numrin 9 në listën e LDK-së.
