Ministrja e Punëve të Jashtme, Donika Gërvalla-Schëarz, ka bërë të ditur se Lordi George Robertson ka arritur në Kosovë. Nëpërmjet një postimi në profilin e saj në Facebook, ajo njoftoi se e ka pritur Robertson në Aeroportin e Prishtinës “Adem Jashari”. Gërvalla ka thënë se Robertson është një mik i shquar i Kosovës dhe kontributi i tij në çlirimin e vendit tonë është i pazëvendësueshëm.
“Në orët e vona të mbrëmjes, sapo prita në Aeroportin e Prishtinës “Adem Jashari”, Lordin George Robertson”, ka thënë Gërvalla.
“Gjatë luftës në Kosovë ai ishte Ministër i Mbrojtjes së Mbretërisë së Bashkuar ndërsa mënjeherë pas luftës, Sekretar i Përgjithshëm i NATO-s.
Lordi Robertson është një mik i shquar i Kosovës dhe kontributi i tij në çlirimin e vendit tonë i pazëvendësueshëm.
Bashkë me të dhe miq të shumtë ndërkombëtarë po e shënojmë gjatë këtyre dy ditëve me aktivitete të ndryshme 25-vjetorin e çlirimit të Kosovës”, ka thënë tutje Gërvalla.
