Ylli i Barcelonës, Robert Lewandowski beson se ai ende mund të luajë futboll aktiv edhe për tre ose katër vitet e ardhshme.
Kjo do të thotë se sulmuesi polak synon të dalë në pension pak para se të mbushë moshën 40-vjeçare.
“Unë nuk mendoj për atë që kam fituar tashmë ose atë që kam bërë tashmë. Unë ende e kam atë ndjenjë dhe atë pasion brenda meje”, ka thënë fillimisht Lewandowski.
“Mendoj se mund të luaj futboll edhe për tre apo katër vjet, sepse fizikisht ndihem shumë mirë”, përfundoi sulmuesi polak.
Lewandowski ka një kontratë me Barçën deri në verën e vitit 2026, që do të thotë se ai mund të pensionohet në Camp Nou atë vit, duke pasur parasysh se do të jenë gati tre vjet nga tani.
Sulmuesi polak deri më tani ka shënuar 41 gola në karrierën e tij në Barcelonë. Ai ka luajtur 63 ndeshje në të gjitha garat.
