Dega e Lëvizjes Vetëvendosje në Suharekë ka organizuar një takim me artistët e njohur të komunës.
Në këtë takim kanë marrë pjesë Ministri i Kulturës, Rinisë dhe Sportit, Hajrulla Çeku, kandidati për deputet, Salih Zyba, si dhe kryetari i Qendrës Kulturore.
Sipas një njoftimi të LVV-së, takimi ka qenë një mundësi e shkëlqyer për të diskutuar rreth artit, kulturës dhe rëndësisë së tyre në komunitet. “Në mbrëmje patëm kënaqësinë të jemi në shoqërinë e artistëve të shquar të komunës së Suharekës, ku bashkë me Ministrin e Kulturës, Rinisë dhe Sportit, z. Hajrulla Çeku, kandidatin për deputet, z. Salih Zyba, dhe kryetarin e Qendrës, z. Jetmir Durmishi, kaluam një kohë të mrekullueshme duke biseduar për artin, kulturën dhe rëndësinë e tyre në komunitetin tonë. Frymëzuese të jesh mes njerëzve që i japin kaq shumë vlerë kulturës sonë kombëtare”, thuhet në njoftim.
