Lidhja Demokratike e Kosovës ka filluar mbledhjen e kryesisë, e para pas zgjedhjeve të 9 shkurtit.
Në këtë mbledhje do të diskutohet pikërisht rreth rezultatit që ka arritur LDK-ja, në zgjedhjet parlamentare.
Gjithashtu, do të diskutohet edhe drejtimi që do të marrë kjo parti pas certifikimit të rezultateve nga KQZ-ja.
Pas përfundimit të mbledhjes, kryetari i LDK-së, Lumir Abdixhiku do të dalë në një konferencë për media.
Kujtojmë se nga rezultatet preliminare LDK është renditur si partia e tretë në vend.
Menjëherë pas rezultatit të zgjedhjeve kishte reaguar kryetari i këtij sbujekti Lumir Abdixhiku.
Sipas tij, edhe pse LDK nuk ka fituar zgjedhjet, rritja e votave për këtë parti, nga 12% në rreth 20%, është një arritje e rëndësishme dhe dëshmi e mbështetjes qytetare.
Duke folur për situatën e përgjithshme paszgjedhore, ai kishte deklaruar se ky rezultat nuk përbën një ndryshim të madh për Kosovën, pasi qytetarët kanë bërë zgjedhjet e tyre dhe ato duhen respektuar.
