Trajneri i Real Madridit, Carlo Ancelotti thotë se mesfushori Edouardo Camavinga do të shërohet me kohë për përballjen ndaj Mancheser Cityn të mërkurën.
20-vjeçari ishte ndër yjet kryesorë të Madridit në ndeshjen e parë gjysmëfinale, por pësoi një lëndim në këmbë gjatë fitores ndaj Getafes të shtunën.
Francezi u detyrua të zëvendësohej menjëherë derisa u pa duke e kapur gjurin shkaku i dhimbjeve.
Mirëpo, Ancelotti ka qetësuar tifozët madrilen duke bërë me dije se lëndimi s’është asgjë dhe Camavinga do të jetë i gatshëm.
“Është thjesht një goditje dhe ai do të shërohet shpejtë. Të gjithë duhet të jenë gati për Man Cityn. Camavinga ka marrë një goditje, por do të jetë mirë”.
“Nesër ai do të pushojë njësoi sikur lojtarët që kanë luajtur. Goditi gjurin, por është në gjendje të mirë. Gjëja më e rëndësishme është të jetë 100 për qind. Diçka brenda gjurit e shqetësoj pak, mirëpo nuk është asgjë”, deklaroi ai.
Ndeshja e parë mes Realit dhe Man Cityt e zhvilluar në “Santiago Bernabeu” përfundoi me rezultat 1:1, me skuadrën angleze tani që vlerësohet si favorite për të avancuar tutje.
Sidoqoftë, “Los Blancos” kanë bërë mrekulli shpesh herë andaj do të synojnë edhe një herë të sigurojnë finalen që zhvillohet në Stamboll.
Në gjysmëfinalen tjetër, Interi fitoi ndeshjen e parë gjysmëfinale me rezultat 0:2 ndaj Milanit.
