Natus Vincere kanë njoftuar promovimin e talentit kosovar nga akademia, Drin “makazze” Shaqiri, në ekipin kryesor.
Organizata ukrainase ka konfirmuar gjithashtu raportimet se është në kërkim të një blerësi për pjesën tjetër të ekipit të NAVI Junior, e cila përfshin Dmytro “dem0n” Myroshnychenko, Aulon “Krabeni” Fazlija, Nikita “cmtry” Samolyotov, Dziugas “dziugss” Steponavicius dhe trajnerin Andras “coolio” Fercsak.
Promovimi i makazze nuk është aspak një befasi, në një kohë kur Natus Vincere nuk e ka fshehur se po shqyrton ndryshime në skuadër, pas një forme jo të qëndrueshme.
Ekipi i shpallur si “Skuadra e Vitit 2024” nuk arriti të kualifikohej në asnjë finale të madhe gjatë gjysmës së parë të sezonit 2025.
Regarding the future of NAVI’s CS2 Junior roster pic.twitter.com/TU0g2ztleW
— NAVI (@natusvincere) June 30, 2025
Shumë prej ndjekësve të skenës kanë kërkuar që makazze të promovohej, pasi ai është kthyer në talentin më premtues të NAVI Junior gjatë dy viteve të fundit, me një mesatare prej 1.19 në vlerësime gjatë 12 muajve të fundit, duke ndihmuar ekipin të ngjitet në top30 në renditjen rajonale të Valve.
Natus Vincere në ndërkohë ende nuk ka zbuluar se cili lojtar do të largohet nga përbërja aktuale e ekipit kryesor.
