Kuvendi i Kosovës ka miratuar edhe në lexim të dytë Projektligjin për Zyrtarët Publikë, raporton KosovaNews
Pas shterjes së debatit dhe miratimit të shumë amendamenteve, Kuvendi me shumicë të votave ka miratuar Ligjin e ri për zyrtarët publikë.
Nga deputetët e pranishëm në votim morën pjesë 62 deputetët, prej të cilëve për kanë votuar 58, ndërsa 4 votuan kundër dhe nuk pati asnjë abstenim.
Kryetari i Kuvendit, Glauk Kojufca me kumtimin e rezultateve tha se votimi tregon që projektligji ka kaluar tutje.
Tash pas miratimit në lexim të dytë të Ligjit të ri për zyrtarët publikë, tashmë ky dokument hyn së shpejti në fuqi.
Kështu i hapet rrugë konkurrencës dhe marrin fund beneficionet me pozita të larta që persona të caktuar i mbajnë me dekada, duke mos u sfiduar në konkurs.
Detajet se si marrin fund pozitat e përjetshme në institucione të Kosovës dhe hapjen e konkurrencës, respektivisht reformën e thellë që parasheh Ligji i ri për zyrtarët publikë mund ta gjeni këtu.
