Sipas Shefes së Grupit Parlamentar të lëvizjes Vetëvendosje, Mimoza Kusari Lila, e ardhmja politike e deputetit të Grupit Parlamentar të Vetëvendosjes, Fatmir Humolli varet nga vetë vullneti i tij
Shefja e Grupit Parlamentar të lëvizjes Vetëvendosje, Mimoza Kusari, ka thënë se deklaratat e deputetit Fatmir Humolli, që kishte thënë se LVV-ja bëri koalicion me Listën Serbe, janë të pasakta.
Kusari ka thënë se e ardhmja politike e Fatmir Humollit është e gjitha në vullnetin e tij.
“Është tërësisht ne vullnetin e Humollit e ardhmja e tij politike.”
Shefja e Grupit Parlamentar është shprehur, se Humolli e di që nuk jemi në koalicion me Listën Serbe, sipas saj në qoftë se Humolli ndjehet i prekur atëherë ka rënë pre e ndikimit të një partie politike e cila nuk ishte sot në seancë.
Gjithashtu ajo ka thënë se veterantët nuk janë përjashtuar nga projektligji.
Sipas saj kjo është bërë nga Qeveritë e kaluara.
Veteranët janë përjashtuar nga lidhja e pages minimale në vitin 2016 nga qeveritë e kaluara.
