Kryeministri i Republikës së Kosovës Albin Kurti së bashku me ministrin e financave Hekuran Murati sot ka vizituar fabriken e mirënjohur të prodhimit të lëngjeve “Frutex” në Komunën e Suharekës. Si shumë biznese të tjera edhe kjo kompani është përfituese e masës 2.1 të Pakos së Ringjalljes Ekonomike.
Kryeministri Kurti ka thënë se “kjo kompani tani ka 349 punëtorë, 77 më shumë se ç’kishte në fillim të vitit. Trend pozitiv ka shënuar edhe eksporti i cili është rritur për 35% krahasuar me vitin e kaluar. Bashkë me to dhe paga mesatare e punëtorëve, nga 620 euro në 730”
Kurti u mirëprit nga pronari i kompanisë “Frutex” Shaqir Palushi i cili falendoroj qeverinë e Kosovës për mbështetjen financare e cila u ka mundësuar që shumë më shpejt të realizojnë investimin dhe të përmbushin kërkesat në rritje në eksport sidomos në vendet e bashkimit europian.
Palushi i ka bërë thirrje qeverisë që edhe në të ardhmen të mbështes prodhuesit vendor si sektor strategjik për hapjen e vendeve të reja të punës.
