Ambasadorja e Izraelit në Kosovë, Tammy Ziv, ka falënderuar kryeministrin e vendit Albin Kurti që në emër të institucioneve ka dënuar sulmin e sotëm që ndodhi nga grupi terrorist Hamas.
“Ju faleminderit shumë, Shkëlqesia Juaj z. Albin Kurti, Kryeministër i Republikës së Kosovës!”, ka shkruar në shqip, Ziv.
Ju faleminderit shumë, Shkëlqesia Juaj z. Albin Kurti, Kryeministër i Republikës së Kosovës!
— Tammy Ziv 🇮🇱 (@AmbTammyZiv) October 7, 2023
🇮🇱🤝🇽🇰 https://t.co/AGO5d9dkWE
Të paktën 100 persona në Izrael janë konfirmuar të vrarë nga sulmi i paprecedentë që ka kryer grupi militantë Hamas në territorin izraelit, derisa me qindra të tjerë janë duke u trajtuar në spitale, thanë shërbimet e urgjencës. Ndërsa zyrtarë nga Rripi i Gazës kanë deklaruar se 200 njerëz janë vrarë në sulmet hakmarrëse izraelite atje.
