Presidentja e Republikës së Kosovës, Vjosa Osmani, ka bërë të ditur se Siria ka njohur zyrtarisht pavarësinë e Kosovës, duke e çuar në 120 numrin e shteteve që e kanë njohur vendin.
Lajmi është pritur me entuziazëm nga institucionet e Kosovës, ndërsa kryeministri në detyrë, Albin Kurti, ka reaguar duke e cilësuar këtë si një arritje të madhe diplomatike dhe duke shprehur mirënjohje për Presidenten Osmani dhe të gjithë ata që kanë kontribuar në këtë proces.
“Sot sjell lajme të mëdha: Kosova tani është njohur nga 120 shtete, pasi Siria iu bashkua listës së njohjeve. Falënderojmë Presidenten Vjosa Osmani për përpjekjet e saj të suksesshme dhe të gjithë ata që kontribuuan. Presim me entuziazëm forcimin e marrëdhënieve, ndërsa vendi hyn në një kapitull të ri dhe të rëndësishëm të historisë,” – ka deklaruar Kurti.
Njohja nga Siria shihet si një sukses i rëndësishëm diplomatik për Kosovën, që vazhdon të punojë për forcimin e pozitës së saj ndërkombëtare dhe zgjerimin e rrjetit të njohjeve.
Today brings great news: Kosova is now officially recognized by 120 countries, as Syria joins the list of recognizers. We extend our gratitude to President Osmani (@VjosaOsmaniPRKS) for her successful efforts and to everyone involved. We look forward to strengthening ties as the…
— Albin Kurti (@albinkurti) October 29, 2025
