Kryeministri i vendit, Albin Kurti, përmes një postimi në facebook ka kujtuar Arbnor Dehari.
Kurti, u shprehë se Arbnor Dehari ka qenë ai shembull i aktivistit që nuk dua ta quaj të rrallë, sepse dëshiroj që të gjithë ne të kemi cilësi të ngjashme me të.
“Këmbëngulja e modestia, puna e palodhur dhe durimi. Arbnor Dehari ka qenë ai shembull i aktivistit që nuk dua ta quaj të rrallë, sepse dëshiroj që të gjithë ne të kemi cilësi të ngjashme me të.
Arbnori ka qenë prijës i aktivistëve të gjeneratës së tij. Student i shkëlqyer në shkollën politike të Lëvizjes, lexues e përkthyes, herë pas here edhe kontribues me tekste, për përparimin e debatit të argumentuar ideor dhe të mendimit kritik në shoqërinë tonë. Ai nuk kishte pretendime për të qenë prodhues opinionesh për konsum të përditshëm, por kishte prirjen intelektuale për të afruar te populli pikëpamjet filozofike e shkencore”, ka shkruar Kurti.
Tutje ai shtoi, se do ta kujtojë me mall.
“E kujtojmë me mall, dhe gëzohemi sa herë shohim te njëri-tjetri ato vlera, atë gatishmëri, pa ambicie për vete e me shumë ambicie për kombin, shoqërinë dhe Republikën.
Kurrë nuk të harrojmë, Arbnor Dehari!”, ka shkruar Kurti.
