Kryeministri i Kosovës, Albin Kurti sot mori pjesë në inaugurimin e emrit të ri të një rruge në Çair të Shkupit me emrin veprimtarit Adem Demaçi.
Në fjalimin e tij Kurti tha se në Kosovë ka disa rrugë që mbajnë emrin e Adem Demaçit, por emërtimi i një rruge me ermin e tij në Çair është e veçantë, sepse emërtim i një rruge nuk është një evidentim i një hapësire të lëvizje, por është shënim i një kohe me një emër.
Ai shtoi se emri i Demaçit, përtej emrit të një personi, ishte edhe emër i një figure historike për shqiptarët gjatë demonstratave në ish-Jugosllavi.
“Në Maqedoni ka shumë rrugë që mbajnë emër të ish-sistemit të kaluar, prandaj emërtimi i një rruge me emrin e Adem Demaçit tregon këmbënguljen e një populli për liri”, tha mes tjerash Kurti.
Kurti shtoi se duke emërtuar këtë rrugë në Shkup, në Çair me ermin e Adem Demaçit do të shënojë një triumf i lirisë me kuptimet e saja më të kulluara politike, historike dhe njerëzore.
Kryeministri i Kosovës, Albin Kurti sot po qëndron për vizitë në qytetet shqiptare të Maqedonisë së Veriut, fillimisht në Shkup dhe mandej edhe në atë të Tetovës, ku do të realizojë takime me përfaqësuesit e Komunës së Tetovës dhe Çairit.
Përveç përurimit të rrugës në Çair, siç është thënë në njoftim kryeministri Kurti do të marrë pjesë në Tetovë në inaugurimin e rrugës që lidh fshatin Sellcë dhe Vicë.
E përveç pritjes institucionale, mirëpritja e kryeministrit Albin Kurti në Shkup po bëhet edhe nga qytetarët.
Atje janë parë qytetarë të shumtë që po vendosin nëpër ballkone flamuj kombëtar, atë të Kosovës dhe fotografi të Kurtit me mbishkrimin “Mirë se erdhe Kryeministër”.
