Kryeministri Albin Kurti i shoqëruar nga ministri i Financave, Hekuran Murati, sot do të marrin pjesë në ditën e dytë të një punëtorie ndërkombëtare, që organizohet për herë të parë në Kosovë.
Bëhet fjalë për punëtorinë ndërkombëtare, që organizohet për herë të parë në Kosovë nga CEF Qendra e Ekselencës Financiare, Slloveni, nё bashkëpunim me Fondin Monetar Ndёrkombëtar, Administratën Tatimore tё Kosovës dhe Administratën Tatimore tё Holandës.
Ndryshe ATK në faqen e saj në ‘Facebook’, ka shkruar se në ditën e parë të kësaj konference është diskutuar për praktikat e mira në menaxhimin e borxheve të taksave.
Punëtoria do të mbahet nga ora 09:00.
