Një intervenim i rrallë në zemër të një pacienti për herë të parë u realizua me sukses në Klinikën e Kardiologjisë në QKUK.
Në Klinikën e Kardiologjisë, Shërbimi i Elektrofiziologjisë dhe Elektrostimulimit, për herë të parë u realizua me sukses ablacioni (djegia) radiofrekuent i takikardisë ventrikulare idiopatike të ventrikulit të majtë me qasje arteriale, te një pacient i moshës 37 vjeçare.
Në një njoftim për media thuhet se Klinika e Kardiologjisë vazhdon të zgjeroj gamën e shërbimeve intervente në fushën e çrregullimeve të ritmit, me metodologji bashkëkohore dhe fal angazhimit e profesionalizmit të personelit të specializuar në këtë fushë.
Këto procedura komplekse kryhen nën mbikëqyrje të ekspertëve të huaj dhe konform udhërrëfyesve e rekomandimeve të Shoqatës Evropiane të Kardiologjisë (ESC).
Sipas njoftimit, gjatë vitit 2022, asnjë pacient me këtë patologji nuk është referuar për trajtim jashtë instuicioneve publike shëndetësore.
