Kryeministri i Kosovës, Albin Kurti dhe Këshilli Grevist i Bashkimit të Sindikatave të Pavarura, do të takohen gjatë ditës së sotme dhe atë në orët e paradites.
Lajmin e ka konfirmuar Ymer Ymeri nga SBASHK-u, duke bërë të ditur se takimi është planifikuar për të martën në mëngjes.
Edhe zëdhënësi i Qeverisë, Përparim Kryeziu ka konfirmuar mbajtjen e takimit.
“Në mëngjes do të ketë një takim ndërmjet këshillit grevist dhe Qeverisë”, ka thënë ai hënën.
Sindikatat kanë paralajmëruar që gjatë javës do ta radikalizojnë grevën duke paralajmëruar edhe protesta.
Të dielën, në një takim kryetarët e Kuvendeve Sindikale Komunale të Arsimit Parauniversitar dhe të Universiteteve vendosen që greva të vazhdojë për kohë të pacaktuar.
Që nga 25 gushti, punonjësit e sektorit publik, të cilëve u janë bashkuar edhe mësimdhënësit, janë në grevë të përgjithshme. Kërkesa kyç e sindikalistëve është ndarja e nga 100 eurove në muaj deri në miratimin e Ligjit për paga.
