Kryeministri i Kosovës, Albin Kurti ka thënë se 302 ushtarë të rinj iu bashkuan ushtrisë së Kosovës dje.
Kurti ka thënë se për dy vite e gjysmë, ushtrisë sonë i janë shtuar 1 mijë e 852 ushtarë aktivë më shumë, të cilët i përshkruan si “të aftë e të gatshëm për ta mbrojtur Republikën tonë”.
Ai ka thënë se ushtarët e rekrutuar kanë përfunduar trajnimin bazik.
“Ky është grupi i parë i rekrutëve nga gjithsej 612 ushtarë të rinj që do t’i bashkohen trupave të Forcës së Sigurisë së Kosovës, në kuadër të procesit të rekrutimit për këtë vit”, ka thënë tutje kreu i ekzekutivit, Albin Kurti.
