Kryeministri i Republikës së Kosovës, Albin Kurti ka udhëtuar sonte për në Mynih të Gjermanisë, ku do të merr pjesë në Konferencën e Sigurisë.
Në njoftimin për media bëhet e ditur se Kurti do të zhvillojë takime me liderë shtetërorë dhe përfaqësues institucionesh, pjesëmarrës në këtë konferencë.
Ai do ta përfaqësojë vendin tonë dhe do të shpalosë atje qëndrimet e Kosovës për tematikat që diskutohen.
Konferenca e 59 e Sigurisë në Mynih, kësaj radhe do të jetë nën kryesimin e ish-ambasadorit gjerman pranë OKB-së dhe ish-këshilltarit për politikë të jashtme të Angela Merkelit, Christoph Heusgen.
Heusgen e mori kështu stafetën nga një tjetër njohës i rajonit të Ballkanit, Ëolfgang Ischinger.
Këtë vit priten të vijnë në kryeqytetin e Bavarisë në jug të Gjermanisë rreth 40 krerë shtetesh dhe qeverish si edhe rreth 100 ministra dhe zyrtarë të tjerë të lartë nga vende të ndryshme të botës. Por në konferencë ka edhe shumë përfaqësues të parlamenteve, ekspertë, organizata joqeveritare e diplomatë.
Ballkani Perëndimor do të jetë ndër diskutimet e konferencës, por fokusi kryesor pritet të jetë padyshim Ukraina dhe ndihma ushtarake për mbrojtjen e saj nga agresori rus.
