Kryeministri i Republikës së Kosovës, Albin Kurti së bashku me Ministren e Ekonomisë, Artane Rizvanolli, sot presin Administratoren e Agjencisë Amerikane për Zhvillim Ndërkombëtar (USAID), Samantha Power.
Së bashku, siç njofton ekzekutivi do të shpallin ankandin e parë për parkun me energji solare me kapacitet prej 100 MW.
“Së bashku, shpallin ankandin e parë për parkun me energji solare me kapacitet prej 100MW”, njofton Qeveria e Kosovës.
Zyrtarja amerikane Power qëndroi edhe në Beograd, ku nga atje tha se normalizimi i marrëdhënieve në mes të Kosovës dhe Serbisë kërkon guxim politik dhe se kjo do të sillte përfitime ekonomike.
Ajo paralajmëroi mbështetje të fortë nga SHBA-ja për hapat e ardhshëm të dialogut në javët në vijim.
