Kryeministri i Kosovës, Albin Kurti ka publikuar disa të dhëna, me ç’rast ka treguar mbështetjen prej qindra milionë eurosh që ka dhënë Qeveria për energjinë gjatë vitin që sapo lamë pas.
Kurti në përmbledhjen e shifrave për vitin 2022 ka thënë se Qeveria ka qenë e angazhuar për energji dhe digjitalizim, raporton KosovaNews.
Postimi i plotë i kryeministrit Albin Kurti:
2022: Qeveria për energji dhe digjitalizim
Gjatë vitit që porsa lamë pas:
Miratuam Strategjinë e re të Energjisë 2022-2031
Nënshkruam marrëveshje për dy projektet më inovative të energjisë në rajon:
– Me MCC për ndërtimin e kapaciteteve për rezerva prej 340 MWh (236.7 milionë dollarë);
– Për ndërtimin e impiantit solar për ngrohje solare prej 50 MW termale, ndër më të mëdhenjtë në Evropë, me BE, KfW dhe BERZh.
Inauguruam Parkun e Erës në Selac, me kapacitet prej 105 megavat;
Investuam për efiçencë të energjisë:
– mbi 4 milionë euro për 29 ndërtesa publike;
– rreth 5 milionë euro për 38 projekte të reja.
Disbursuam 95 milionë euro për të ndihmuar qytetarët e bizneset në përballje me krizën energjetike;
Ndamë 6 milionë euro për 10 mijë familje për të subvencionuar pajisjet që do të ulin rreth 70% konsumin e energjisë;
Ndaluam përdorimin e energjisë elektrike për mihje të kriptovalutave;
Shtrimë rrjetin e Telekomit të Kosovës në komunat në veri të vendit;
Arriti në 130 numri i shërbimeve elektronike;
1500 të rinjë u trajnuan për shkathtësi digjitale;
U sigurua qasje në internet pa pagesë për 105 shkolla dhe 43 institucione shëndetësore;
Arritëm mbulueshmëri prej 100% të zonave të banuara me infrastrukturë të internetit brezgjerë;
Në indeksin GTMI të Bankës Botërore u ngritëm nga grupi C në grupin B për fokusin në qeverisje digjitale;
Lansuam Sistemin për Hartimin e Legjislacionit (LDS);
Inauguruam Sistemin Nacional për Monitorimin e Spektrit frekuencor me vlerë prej 2.7 milionë euro, i cili mbulon tërë territorin e vendit në shërbim të sigurisë kombëtare;
Lansuam Rrjetin për Hulumtim dhe Edukim i Kosovës (KREN) dhe lidhjen e Kosovës me Rrjetin Pan-Evropian për Hulumtim e Edukim (GÉANT).
Lexoni edhe:
