Zyra për Çështje të Komuniteteve, në kuadër të Zyrës së Kryeministrit, ka organizuar paraditen e së hënës tryezë ku do të diskutohet për sfidat dhe mundësitë për komunitetin ashkali.
Në këtë organizim ka marrë pjesë edhe kryeministri Albin Kurti, i cili ka thënë se si Qeveri janë të përqendruar që të krijojnë një shoqëri me mundësi të barabartë.
Ai shtoi se Qeveri po punon për krijimin e mundësive të barabarta, me fokus punësimin e shkollimin.
“Është kënaqësi që jemi së bashku e të flasim për mundësitë e komuniteti ashkali për sfidat dhe bashkëpunimit. Për të përparuar si shoqëri është e domosdoshme që përparimi të jetë për të gjithë qytetarët pa dallim. Me pakon për ringjallje ekonomi kemi ndihmuar mbi 800 mijë qytetarë. Qeveri po punon për krijimin e mundësive të barabarta, me fokus punësimin e shkollimin”, tha ai.
Tutje kryeministri ka shtuar se arsimin e lartë e kanë bërë pa pagesë për të gjithë në mënyrë që të inkurajohen që të rinjtë mos të ndalen te shkolla e mesme.
“Për t’i ndihmuar studentët rom, ashkali dhe egjiptian kemi ndarë bursa 300 mijë euro, me bursa po i mbështesin studentët nga komuniteti ashkali në Fakultetin e Edukimit. Zyra për çështje të komunitete ka mbështetur organizata dhe mediat e komuniteteve”.
“Nga kjo zyre kemi thirrje të hapur për grande 300 mijë euro për organizata dhe 100 mijë për media, bëjë thirrje që sa më shumë të aplikojnë. Gjatë këtyre muajve të fundit kam pasur takime të veçanta me komunitetin ashkali. Kemi shumë të arritura dhe na duhen më shumë rezultate. Do të kemi vështirësi e sfida, por me qëllim të mirë e më vullnet bashkë i’a dalim”, tha ai.
Deputeti nga radhët e komunitetit ashakli, Bekim Arifi, tha se kryeministri po e dëshmon që ky komunitet është i rëndësishëm për Kosovën.
“Falënderoj organizata që na kanë mundësuar këtë takim. Kryeministri vazhdimisht po e dëshminë që komuniteti ashakli është i rëndësishme për Kosovën me prezencën e tij në çdo event të organizuar”.
“Sot jemi ardhur këtu më shumë të dëgjojmë nga ju ide se çka do të mund të bëjmë së bashku”, tha ai.
