Kryeministri i vendit, Albin Kurti ka kujtuar sot në ditëlindjet e tyre dy figura, simbolin e rezistencës kombëtare, të ndjerin Adem Demaçi dhe aktivistin Astrit Dehari.
Kurti me bashkëpunëtorë ka vizituar familjet e të ndjerëve, ndërsa tha se ata sjellin kujtime mallëngjyese e udhërrëfyese.
“AD, 26 shkurt. Adem Demaçi e Astrit Dehari sot e kanë ditëlindjen. Vizituam familjet e tyre – përplot kujtime mallëngjyese e udhërrëfyese. Njëri si e vërteta e shqiptarëve në raport me Serbinë, tjetri si konfirmim i asaj të vërtete dhe drejtësi ende e munguar në Kosovë. Kush jehon, rron edhe kur s’jeton. Si këta dy”, ka shkruar Kurti.
