Në ndërtesën e Qeverisë, nën kryesimin e kryeministrit Albin Kurti është mbajtur takimi koordinues ndërmjet shefit të ekzekutivit, ministrave nga kabineti qeveritar dhe kryetarëve të Komunave.
Me këtë rast Kurti tha se temat që trajtohen në këto takime kanë fokus përmirësimin e jetës së qytetarëve.
Kryeministri Kurti tha në hapje të takimit tha se buxheti i komunave për vitin tjetër do të jetë 742 milionë euro, 200 milionë euro më shumë se sa ka ndarë qeverisja e kaluar.
Sipas tij, ky buxhet është dëshmi se komunat e kanë vëmendjen e Qeverisë dhe se do të vazhdojë përkrahja ndaj tyre.
“Para tri jave Komisioni i garanteve mbajti një takim ku miratuar ndarje a granteve për komunar, buxheti i përgjithshëm komunal për vitin tjetër arrijnë 742 milionë euro, 200 milionë euro më shumë për kromuat se qeverisja e kaluar. Kjo dëshmon se qeverisja lokale e ka vëmendjen e nivelit qendror”.
Në këtë takim morën pjesë edhe kryetarët e katër komunave veriore të vendit, që është njëherit edhe takimi i parë i tyre në këto pozita me kryeministrin e Kosovës.
Më 23 prill u mbajtën zgjedhjet në Mitrovicën e Veriut, Leposaviqit, Zubin Potokut dhe Zveçan.
Kryetar në Mitrovicën e Veriut u zgjodh Erden Atiq nga Vetëvendosje, në Leposaviq Lulzim Hetemi, po nga Vetëvendosje.
Derisa partia Demokratike e Kosovës, përmes kandidatëve të vet Izmir Zeqiri dhe Ilir Peci, fituan në Zubin Potok përkatësisht në Zveçan.
Takimi po vazhdon ende dhe me të mbaruar pjesa hyrëse, tani ky takim ka kaluar në dyer të mbyllura përv të diskutuar çështjet e ndryshme që janë në rend dite./KosovaNews
