Kryeministri i Kosovës, Albin Kurti, është shprehur i shqetësuar për krimet e Hamasit ndaj civilëve izraelitë, derisa ka bërë thirrje që aktet e tilla të ndërpriten menjëherë.
Ai ka shkruar në Twitter të hënën se qëndron me aleatët dhe mbështet të drejtën e Izraelit “për vetëmbrojtje kundër terrorizmit”.
Kurti gjithashtu ka bërë thirrje që të lirohen menjëherë pengjet që janë kapur nga pjesëtarët e Hamasit.
Sulmet ndaj Izraelit i kanë dënuar edhe krerët e tjerë institucionalë që nga e shtuna kur nisën sulmet.
Të dhënat e fundit thonë se të paktën 493 njerëz kanë vdekur dhe 2,651 janë plagosur në Gaza që kur Izraeli filloi të kryejë sulme ajrore në përgjigje të sulmit të papritur të Hamasit.
Very concerned about the crimes against civilians & the rising death toll following the Hamas attacks in🇮🇱. I stand with our allies, urging an immediate halt to these acts, supporting Israel's right to self-defense against terrorism, & demanding the immediate release of hostages.
— Albin Kurti (@albinkurti) October 9, 2023
