Kryeministri bullgar, Nikolai Denkov dhe homologu i tij rumun, Marsel Çiolaku zhvilluan të premten bisedime në Bukuresht.
Çiolaku u tha gazetarëve se ai dhe Denkov diskutuan pranimin e Bullgarisë dhe Rumanisë në zonën Shengen, një zonë 27-vendesh pa pasaporta, e cila përfshin shumicën e vendeve të BE plus Islandën, Lihtenshtajnin, Norvegjinë dhe Zvicrën, për periudha deri në 90 ditë çdo gjashtë muaj.
Çiolaku ka theksuar se Rumania dhe Bullgaria kanë “bërë përpjekje shtesë për të arritur këtë qëllim” dhe “mbeten të përkushtuara për forcimin e mjeteve evropiane të menaxhimit të migracionit dhe mbrojtjen e kufijve të jashtëm”.
Pavarësisht se Bullgaria dhe Rumania janë të dyja anëtare të NATO-s që nga viti 2004 dhe anëtare të BE-së që nga viti 2007, të dyjave vendeve iu tha se duhet të prisnin më gjatë për të marrë pjesë në zonën Shengen .
