Kreu i grupit mercenar Wagner fajëson zyrtarët rusë për mungesën e municioneve dhe vlerëson se kundërsulmi ukrainas do të nisë rreth mesit të majit.
Yevgeny Prigozhin deklaroi se njerëzit e tij që luftonin kryesisht në Bakhmut (Ukraina lindore) vazhduan të përballeshin me mungesë municioni, ndërsa paralajmëroi se një kundërsulm i pritshëm ukrainas mund të ishte një “tragjedi” për Rusinë.
“Ne marrim vetëm 10-15% të municioneve që na nevojiten”, i tha Prigozhin, blogerit rus Simeon Pegov.
Prigozhin, i cili fajëson stafin rus për mungesën e municioneve, vlerëson se kundërofensiva ukrainase do të nisë rreth mesit të majit. “Ky kundërsulm mund të kthehet në një tragjedi për vendin tonë” -paralajmëroi ai.
Yevgeny Prigozhin është në konflikt – shpesh publik – me hierarkinë ushtarake ruse, të cilën ai e akuzon se nuk e ka furnizuar vendin e tij me sasi të mjaftueshme municioni.
Ai ka pasur vazhdimisht sukses kundër ministrit rus të Mbrojtjes Sergei Shoigu. Zyrtarët ukrainas thanë javën e kaluar se përgatitjet për kundërsulmin ishin drejt përfundimit.
