Komisioni Qendror i Zgjedhjeve ka njoftuar se janë në proces të verifikimit të nënshkrimeve të mbledhura për shkarkimin e kryetarëve aktual në Mitrovicë të Veriut, Zveçan, Leposaviq dhe Zubin-Potok.
Zëdhënësi i KQZ-së, Valmir Elezi, ka thënë se ky proces do të marrë kohë pasi sipas të dhënat janë mbledhur në format fizik.
“Pas përfundimit të verifikimit të nënshkrimeve të mbledhura, do të përgatisim raport për çdo komunë dhe do të njoftojmë Ministrinë, kryesuesit e kuvendeve komunale, kryetarët e komunave dhe grupet nismëtare. Po ashtu, përgjigjja e KQZ-së do të bëhet publike edhe për qytetarët dhe mediat”, ka thënë ai.
