Deputeti i Kuvendit të Kosovës nga radhët e Lëvizjes Vetëvendosje, Dimal Basha ka kritikuar edhe sot anëtarët e Komisionit të Pavarur të Mediave (KPM), të cilët shfuqizuan vendimin e mëhershëm dhe morën një vendim të ri duke lejuar kanalet “Arena” të Serbisë të shfaqen sërish në Kosovë.
Në reagimin e tij, Basha tha se përkundër që shefi i Telekom Serbisë dhe kanaleve “Arena”, që transmetohen në “ArtMotion”, e quajti vendin tonë ‘Kosovë e Metohi’, Bordi i KPM-së ka dhënë leje që ato kanale të transmetohet pa asnjë problem në Kosovë.
“A e dini kush tjetër është gëzu për vendimin e Telekomit të Serbisë, përveç devollëve?
Një tjetër njeri që iu ka gëzu fort vendimit të KPM-së është Vladimir Lulic, 𝗦𝗵𝗲𝗳𝗶 𝗘𝗸𝘇𝗲𝗸𝘂𝘁𝗶𝘃 𝗶 𝗧𝗲𝗹𝗲𝗸𝗼𝗺 𝗦𝗲𝗿𝗯𝗶𝗮, i cili ka deklaru, “Më vjen mirë që të gjitha kanalet e Arena Sportit do të transmetohen nga operatorët në 𝐊𝐨𝐬𝐨𝐯ë e 𝐌𝐞𝐭𝐨𝐡𝐢”
Po pra, shefi i Arena Sportit i përshëndet bashkëpunëtorët e tyre në ‘Kosovë e Metohi’ dhe kjo përshëndetje sigurisht është edhe për KPM-në që ia ka bë argatin atyre dhe Telekomit të Vuçiqit!”, ka shkruar në reagimin e tij sot deputeti Basha.
Ai ka kujtuar se në pyetjen që u ka bërë anëtarëve të Bordit të KPM-së se a do ta kthejnë vendimin për pezullim nëse Shefi i Telekom Serbia ju trajton si ‘Kosovë e Metohi’, vetëm një anëtar i bordit ka thënë po, kurse të tjerët nuk janë deklaruar.
“Kurse kryetari i Bordit në heshtje totale, vetëm shikonte si i shtangur, se di a marrke frymë!
Pra nuk mundet me më bind dikush se njerëz brenda KPM-së nuk ia kanë bë argatin dreqit! Ky është argument shtesë 𝐏𝐒𝐄 𝐁𝐄𝐒𝐎𝐉 𝐒𝐄 𝐕𝐄𝐍𝐃𝐈𝐌𝐈 𝐈 𝐊𝐏𝐌-𝐬ë Ë𝐒𝐇𝐓Ë 𝐓𝐑𝐀𝐃𝐇Ë𝐓𝐈 𝐊𝐎𝐌𝐁Ë𝐓𝐀𝐑𝐄!
Prokuroria e ka obligim kombëtar e moral me fillu urgjentisht hetimet!”, ka thënë Basha.
Postimi i plotë dhe pa ndërhyrje i deputetit Dimal Basha:
