KOSTT: Ka rritje të konsumit të energjisë elektrike, mund të imponohen reduktimet në rast mbingarkese të sistemit

Operatori i Sistemit, Transmetimit dhe Tregut (KOSTT) ka njoftuar se Kosova gjatë sezonit dimëror po përballet me rritje të ndjeshme të konsumit të energjisë elektrike, duke rrezikuar reduktime të kontrolluara në rast të mbingarkesës.KOSTT ka bërë të ditur se në krahasim me vitin e kaluar, konsumi ka shënuar rritje ndërsa ngarkesa maksimale prej 1458 MW ka arritur dje në kushtet kur temperaturat nuk kanë qenë shumë të ulëta.“Krahasuar me vitin e kaluar, konsumi ka shënuar rritje prej 14.33%, ndërsa ngarkesa maksimale prej 1468 MË është arritur dje, në kushte kur temperaturat nuk kanë qenë shumë të ulëta, çka tregon se në ditët më të ftohta konsumi mund të rritet edhe më tej”- thuhet në njoftimin e këtij institucioni”- thuhet në njoftimin e këtij institucioni.KOSTT ka thënë se në kushte mbingarkese mund të imponojë zbatimin e reduktimeve të kontrolluara dhe të përkohshme të furnizimit, si masë teknike e domosdoshme për mbrojtjen e stabilimenteve dhe aseteve kritike të sistemit elektro-energjetik, të cilat sigurojnë furnizimin me energji elektrikeKOSTT ka ftuar qytetarët, institucionet dhe bizneset që, sipas mundësive të tyre, të ndërmarrin çdo veprim praktik që ndihmon në uljen e konsumit dhe të ngarkesës së sistemitKërkesa më e lartë për energji elektrike po regjistrohet në intervalet 16:00–20:00 dhe 22:00–23:00.Sipas të dhënave të sistemit nga KOSTT, ditëve të fundit zonat me ngarkesë më të lartë janë nënstacionet Rahovec (përfshirë zonën e Malishevës), Prizreni 1, Gjilani 1 dhe Lipjani.